Raġel ta’ 83 sena, residenti Tas-Sliema, għall-ħabta tal-10.00am, sofra ġrieħi serji wara li weġġa’ f’inċident tat-traffiku fi Triq San Pawl, San Pawl il-Baħar. Mill-ewwel stħarriġ irriżulta li r-raġel kien qiegħed isuq mutur tal-għamla MotoGuzzi, tilef il- kontroll u waqa’.
Tim mediku assista lir-raġel u minnufih ittieħed l-Isptar Mater Dei permezz t’ambulanza.
Il-Maġistrat Dr Philip Galea Farrugia LL.D. kien infurmat u ħatar inkjesta, filwaqt li l-investigazzjonijiet tal-Pulizija għadhom għaddejjin.
