Tliet persuni kellhom jiddaħħlu l-Isptar wara li lbieraħ, għall-ħabta tas-7:00 p.m., kienu involuti f’inċident tat-traffiku fi Triq tal-Balal, in-Naxxar.
Minn stħarriġ illi sar irriżulta li żewġ anzjani — raġel ta’ 70 sena u mara ta’ 68 sena — intlaqtu minn mutur Over Brera125 misjuq minn ġuvni ta’ 20 sena. It-tliet persuni involuti huma residenti n-Naxxar stess.
Il-persuni kollha ngħataw l-għajnuna minnufih minn tim mediku u ttieħdu l-isptar b’ambulanzi. Aktar tard l-anzjan ġie ċċertifikat bi ġrieħi gravi, filwaqt li s-sewwieq tal-mutur u l-anzjana sofrew minn ġrieħi ħfief.
L-investigazzjonijiet mill-Pulizija għadhom għaddejjin.