Anzjan indarab wara li aktar kmieni għall-ħabta ta’ nofsinhar kien involut f’inċident li seħħ fi Triq il-Ħofor f’Ħal Qormi.
Minn stħarriġ illi sar irriżulta li raġel ta’ 76 sena residenti Ħal Qormi, sofra xi ġrieħi meta kien qed jipprova jikkontrolla xi ħaxix li kien qed jieħu n-nar.
Fuq il-post issejjaħ tim mediku u membri mid-Dipartiment tal-Protezzjoni Ċivili li assitew lir-raġel.
Ambulanza ħadet lir-raġel l-Isptar Mater Dei sabiex jingħata l-kura fejn aktar tard, hu ġie ċċertifikat li qed isofri minn ġrieħi gravi.
L-investigazzjonijiet tal-Pulizija għadhom għaddejjin.
