Anzjan ta’ 64 sena tilef ħajtu traġikament hekk kif ittajjar minn vettura f’Marsaskala.
Il-Pulizija fi stqarrija qalu li l-inċident seħħ għall-ħabta tal-11.30pm fi Triq Sant’ Antnin, Marsaskala.
Il-Pulizija marret minnufih fuq il-post u mill-ewwel stħarriġ li sar irriżulta li raġel ta’ 64 sena, residenti Marsaskala ntlaqat minn van Ford Transit li kien qed jinstaq minn raġel ta’ 49 sena residenti l-Fgura.
Il-vittma ngħata l-għajnuna minn tim mediku u ttieħed l-Isptar Mater Dei b’ambulanza.
Sfortunatament huwa kien iċċertifikat mejjet ftit tal-ħin wara.
Il-Maġistrat Dr Philip Galea Farrugia LL.D ġie infurmat bil-każ u ħatar inkjesta. L-investigazzjonijiet tal-Pulizija għadhom għaddejjin.
