Anzjan weġġa’ gravi wara li għall-ħabta tad-9:00 a.m kien involut f’inċident tat-traffiku li seħħ fi Triq Oreste Kirkop, San Ġwann.
Minn stħarriġ illi sar irriżulta li raġel ta’ 66 sena residenti San Ġwann intlaqat minn karozza tal-għamla Chevrolet misjuqa minn mara ta’ 71 sena residenti l-Gżira.
Fuq il-post issejjaħ tim mediku u ambulanza ħadet lir-raġel l-Isptar Mater Dei għall-aktar assistenza medika.
L-investigazzjonijiet tal-Pulizija għadhom għaddejjin.
