Il-Ministeru għas-Saħħa għadu kemm ikkonferma li anzjan ta’ 73 sena miet aktar kmieni llum waqt li kien pożittiv bil-Covid-19.
L-anzjan irriżulta pożittiv għall-Covid-19 fl-10 ta’ Ottubru u ddaħħal l-isptar Mater Dei fit-18 ta’ Ottubru.
L-anzjan kien ibati minn mard kroniku ieħor.
Il-Ministeru għas-Saħħa, filwaqt li ta l-kondoljanzi lill-familjari tal-anzjan, jappella biex il-poplu jibqa’ jsegwi l-appelli tad-Dipartiment tas-Saħħa, fosthom il-ħasil tal-idejn ta’ spiss, id-distanza fiżika, u l-użu tal-maskra kullimkien.
