Anzjan weġġa’ gravi wara li aktar kmieni għall-ħabta tad-9:10 a.m kien involut f’inċident tat-traffiku fi Triq Ħal Tarxien fil-Gudja
Minn stħarriġ illi sar irriżulta li kienet seħħet ħabta bejn Nissan March misjuqa minn raġel ta’ 90 sena residenti Santa Luċija, u Toyota Corolla misjuqa minn raġel ta’ 21 sena residenti s-Swieqi.
Fuq il-post issejjaħ tim mediku u r-raġel ta’ 90 sena ttieħed l-Isptar Mater Dei b’ambulanza.
L-investigazzjonijiet tal-Pulizija dwar dan l-inċident għadhom għaddejjin.
