Mara ddaħħlet l-isptar wara li aktar kmieni għall-ħabta tas-7:15 a.m kienet involuta f’inċident tat-traffiku li seħħ fi Triq Alfredo Cachia Zammit, iż-Żejtun.
Minn stħarriġ illi sar irriżulta li mara ta’ 62 sena residenti ż-żejtun intlaqtet minn vettura Toyota 4Runner li kienet qed tinstaq minn raġel ta’ 57 sena residenti Marsaxlokk.
Tim mediku ta l-assistenza tiegħu lill-mara sakemm setgħet tittieħed l-Isptar Mater Dei għal aktar kura permezz ta’ ambulanza li ssejħet fil-post. Aktar tard hija ġiet iċċertifikata li sofriet ġrieħi gravi.
L-investigazzjonijiet tal-Pulizija b’rabta ma’ dan il-każ għadhom għaddejjin.
