Il-ġerarkija ta’ Real Madrid għadha kompletament wara l-coach Carlo Ancelotti minkejja l-kritika riċenti mmirata lejn it-Taljan minn sezzjonijiet ta’ partitarji tal-club.
Il-Los Blancos diġà rebħu unur maġġuri dan l-istaġun, meta rebħu s-Super Cup Spanjola x-xahar li għadda, filwaqt li huma fil-quċċata tal-La Liga u jisnabu fir-round tal-aħħar 16 taċ-Champions League.
Madankollu, huma sfaw eliminate mill-Copa del Rey fl-istadju tal-kwarti finali l-ġimgħa li għaddiet, u sofrew telfa ta’ 1-0 kontra Athletic Bilbao f’San Mames.
L-għażla tat-team ta’ Ancelotti kienet ikkritikata minn sezzjonijiet tal-partitarji ta’ Real Madrid, li wkoll ma kinux kuntenti bil-prestazzjoni tat-team tagħhom fid-draw ta’ 2-2 ta’ La Liga ma’ Elche.
Madankollu, huwa mifhum li Ancelotti għad għandu l-appoġġ sħiħ tal-bord ta’ Real Madrid, bil-coach ta’ 62 sena jisnab lest biex imexxi lit-team għal staġun ta’ suċċess.
Il-Los Blancos bħalissa qed iħejju għal logħbiet tal-kampjonat konskeuttivi kontra Granada u Villarreal, li jiġu qabel l-ewwel leg tagħhom mir-round tal-aħħar 16 taċ-Champions League kontra Paris Saint-Germain fil-15 ta’ Frar.
