Ir-referee lokali tal-FIFA Matthew Degabriele ngħata appointment attraenti hekk kif nhar it-Tlieta ngħata l-inkarigu li jmexxi logħba ta’ ħbiberija internazzjonali bejn żewġ nazzjonijiet tal-futbol bi profil għoli b’mod sinifikanti hekk kif il-Montenegro se tkun qed tiffaċċja lir-Repubblika Ċeka.
Iż-żewġ timijiet għandhom talenti kbar fil-futbol fil-forma tal-ex midfielder ta’ Man City u Fiorentina Stevan Jovetic għall-Montenegro, filwaqt li t-tim attwali tar-Repubblika Ċeka jinkludi plejers bħad-duo ta’ West Ham Tomas Soucek u Vladimir Coufal.
Lura għal dan il-kompitu internazzjonali għar-referee Malti Matthew Degabriele, li għal din il-partita ta’ ħbiberija fil-Gradski Stadium fil-kapitali tal-Montenegro ta’ Podgorica se jkun mgħejjun minn Jurgen Spiteri u Mitchell Scerri bħala l-Assistenti Referees tiegħu.
Il-Malta FA twassal l-isbaħ xewqat tagħha lil Matthew u lit-tim tiegħu għal dan l-appointment internazzjonali.
