Membri mid-Dipartiment tal-Protezzjoni Ċivili kienu involuti f’ħidma fir-Rabat biex isalvaw ħaddiem Tork li waqa’ f’ħofra.
Il-Pulizija daħlila rapport dwar dan l-inċident għall-ħabta tas-6:10 p.m u minnufih marru fil-post numru ta’ uffiċjali tal-Pulizija mill-għassa tad-distrett, uffiċjali mid-Dipartiment tal-Protezzjoni Ċivili, ambulanza u tim mediku mill-Isptar Mater Dei.
Ħaddiem u kollega tal-ħaddiem involut fl-inċident qalilna li l-ħaddiem huwa ħaddiem Tork li waqa’ f’ħofra ta’ madwar 30 metru.
Uffiċjal mid-Dipartiment tal-Protezzjoni Ċivili niżel fi proċedura delikata mmens fejn għen lill-ħaddiem biex jittella’ fuq l-art.
F’ħin minnhom qamet kommossjoni hekk kif il-ħaddiem maqbud fl-ispiera instema’ jagħjat wara li nħakem minn paniku.
Hawnhekk l-uffiċjali talbu ħaddiem biex jittraduċi struzzjonijiet importanti fl-operazzjoni tas-salvataġġ bil-lingwa Torka sabiex jiffaċilitaw il-komunikazzjoni.
Intant fi stqarrija maħruġa mill-Awtorità dwar is-saħħa u s-sigurta fuq il-post tax-xogħol (OHSA) fi stqarrija maħruġa qalet li għandha uffiċjali fil-post fejn ħaddiem ta’ 47 sena waqà f’ħofra ta’ 18-il metru f’sit ta’ kostruzzjoni.
L-OHSA bdiet bl-investigazzjonijiet tagħha b’rabta ma’ dan il-każ li mistennija tkompli fil-jiem li ġejjin.
