Hekk kif f’dawn il-festi l-maġġoranza tal-popolazzjoni f’pajjiżna toħroġ tiċċelebra, il-Korp tal-Pulizija qed iħeġġeġ biex wieħed ma jsuqx jekk se jixrob.
B’dan il-ħsieb il-Korp tal-Pulizija nieda filmat qasir bħala parti minn kampanja ta’ prevenzjoni kontra x-xorb u s-sewqan.
Fi stqarrija l-pulizija qalu li bħal kull sena, il-Korp tal-Pulizija f’dawn il-jiem qiegħed ukoll isaħħaħ il-preżenza fit-toroq permezz tal-kontrolli tat-traffiku, intiża primarjament biex nipprevjenu kemm jista’ jkun inċidenti serji.
