Minn kmieni dalgħodu t-Tela’ tal-Kastell f’Għawdex bdiet tinkesa bil-fjuri biex illejla għall-ħabta tas-7.00pm il-pubbliku jkun jista’ jibda jgawdi l-attività “Ir-rebbiegħa fl-Ewropa”.
Talk.mt tkellem mas-Sindku tal-Għarb David Apap Agius li hu l-moħħ wara din l-attività li mistennija tiġbed mijiet kbar ta’ persuni lejn iċ-ċentru tar-Rabat Għawdex.
Is-Sindku qalilna li għal din l-attivtà hemm għaxar għaqdiet li qegħdin jieħdu sehem fosthom għaqda minn Spanja, mill-Ġermanja, mill-Messiku, mill-Ġappun, mill-Italja u anke mill-Għarb Għawdex.
L-attività li se tkun Festa tal-Arti Efemera ġiet organizzata mill-Kunsill Lokali tal-Għarb, mill-Ministeru għal Għawdex u mill-Assoċazzjoni Maltija EspressjonArti Għarb.
Għaxar gruppi minn mill-għaqdiet imsemmija aktar ‘il fuq se joħolqu twapet spettakolari tal-fjuri u materjali oħra naturali.
Wieħed jista’ jgawdi dan “l-ispettaklu” sa nhar it-Tnejn l-1 ta’ Mejju.
