Fit-8 ta’ Ġunju, fis-Suq tal-Ħut l-Antik fil-Belt Valletta grupp ta’ persuni ngħaqdu flimkien fil-Jum Dinji tal-Oċean. L-għan ewlieni ta’ dan il-jum huwa li titqajjem kuxjenza dwar ir-rwol kruċjali li għandu l-oċean f’ħajjitna u l-modi importanti kif in-nies jistgħu jgħinu biex jipproteġuh.
F’din il-ġurnata, Ambjent Malta ikkollaborta attività ta’ tindif ta’ qiegħ il-baħar b’kollaborazzjoni mal-organizzazzjoni li ma tagħmilx profitt Calypso SAC kif definita mill-Att dwar l-Organizzazzjonijiet Volontarji u minn Transport Malta billi tipprovdi protezzjoni lill-għaddasa.
B’mod ġenerali, iż-żibel fil-baħar huwa aktar dens fil-portijiet, u għal din il-ġurnata, Ambjent Malta kkoordinat din l-attività biex tkompli ttejjeb l-istat ta’ konservazzjoni tal-ħabitats tal-baħar barra min-netwerk tal-MPA. B’kollox, illum inġabru madwar 1.5 tunnellata ta’ skart tal-baħar li jikkonsisti l-aktar minn oġġetti tal-metall u tal-gomma. Ħafna mill-oġġetti tal-metall ġew riċiklati f’konformità mal-prinċipji taċ-ċirkolarità.
Ambjent Malta ilha twettaq tindif ta’ rutina ta’ qiegħ il-baħar mis-sena 2000. Madwar 4 tunnellati ta’ debris tal-baħar inġabru fiż-Żoni Protetti tal-Baħar tagħna, l-aktar magħmulin minn plastik u oġġetti tas-sajd/dgħajjes. It-tindif saru b’kollaborazzjoni mal-PDSA (Professional Diving and Scuba Diving Association, PDSA) f’Malta (Fekruna, Sirens, Wied iz- Żurrieq, Ghar Lapsi, Anchor Bay, Kemmuna u f’Għawdex (Marsalforn u Xlendi).
L-Awtorità tal-Ambjent u r-Riżorsi ddeżinjat 18-il Żona Protetta tal-Baħar fuq il-bażi ta’ snin ta’ riċerka appoġġjata mill-fondi LIFE tal-UE fl-2018. Id-daqs taż-Żoni Protetti tal-Baħar huwa madwar tlettax-il darba d-daqs ta’ Malta. Biex tkompli tappoġġja Żoni Protetti tal-Baħar, fl-2020, il-Gvern Malti saħħaħ ir-rwol ta’ Ambjent Malta biex tkopri inizjattivi u proġetti fiż-Żoni Protetti tal-Baħar u l-ilmijiet terrestri Maltin. Din is-sena, l-ERA ppubblikat l-għanijiet ta’ konservazzjoni għall-MPAs u t-tneħħija tal-iskart tal-baħar kienet inkluża bħala wieħed mill-għanijiet ewlenin.
Inħeġġu lill-pubbliku biex jikkollabora biex jonqos iż-żibel fil-baħar u għalhekk inħeġġu lill-pubbliku biex;
- tifred il-mifrex kif xieraq peress li 70 fil-mija tal-mifrex tal-baħar joħroġ mill-art
- neħħu kwalunkwe skart tal-baħar waqt l-għawm jew fiż-żoni kostali
- li jinnotifikaw lill-awtoritajiet meħtieġa meta jiltaqgħu ma’ xi ħajja tal-baħar protetta bħal fkieren, għasafar jew ħut imħabblin fi plastik/xbieki peress li l-iskart tal-baħar (l-aktar plastik/xbieki tas-sajd) joqtol il-ħajja tal-baħar meta jinbelgħu jew bit-tħabbil.
Bħala rimarka ta’ konklużjoni l-Ministeru jixtieq jirringrazzja lill-NGOs u lill-voluntiera kollha li jagħmlu tindif regolari u jkompli jħeġġiġhom biex ikomplu jagħmlu l-ħidma kbira tagħhom biex iżommu l-oċeani tagħna nodfa. Barra minn hekk, inħeġġu wkoll l-Organizzazzjonijiet Volontarji/Privati u l-Kunsilli Lokali kollha biex jingħaqdu fl-isforzi ambjentali tagħna biex inaddfu ż-żona kostali tagħna.
