Fl-aħħar impenn tiegħu f’pajjiżna, il-Papa Franġisku se jkun qiegħed jiltaqa’ ma’ Patri Dijonisju Mintoff u għadd ta’ immigranti li nġabru biex isellmulu.
Il-Papa Franġisku se jkun qiegħed iħalli n-nunzjatura minn hawn u ftit tal-ħin ieħor biex ikun jista’ jmur lejn Ħal Far.
F’kummenti lil dan is-sit Patri Dijonisju Mintoff qal li għalih dan kien għeluq sninu speċjali minħabba li l-Papa se jkun qiegħed iżur lil dawk li ma setgħux iżuruh. “Ta dan se nkun qiegħed nirringrazzja lill-Papa Franġisku”, qalilna Dijonisju.
Fuq in-naħa ta’ barra, għadd ta’ persuni nġabru biex isellmu lill-Papa Franġisku u fosthom spikkat il-komunità Ukrena li ppreżentat ruħha fil-post b’għadd ta’ bnadar. Dan hekk kif sa minn qabel iż-żjara tiegħu f’pajjiżna, il-Papa appella biex din il-gwerra tiġi fi tmiemha u jieqaf dan il-massakru.
