Filmat li ġie ppubblikat fl-aħħar ħin juri splużjoni kbira hekk kif il-bini amministrattiv fi Pjazza Ħelsien ġewwa Kharkiv, it-tieni l-ikbar belt Ukrena, intlaqat minn bomba li ġiet sparata mill-qawwiet Russi.
Kharkiv, belt li fiha jgħixu mal-1.4 miljun persuna, hija magħrufa bħala l-kapitali tat-teknoloġija tal-Ukrajna u rapporti fil-midja internazzjonali qalu li żoni residenzjali ntlaqtu wkoll.
Il-President Ukren Zelensky ikkundanna l-bumbardament ta’ Kharkiv u fissirhom bħala reati tal-gwerra. Żied jgħid li l-għan tal-attakki kienu li jolqtu b’mod dirett lin-nies fl-ibliet.
Il-Ministru tal-Affarijiet Barranin tal-Ukrajna tella’ dan il-filmat u talab lid-dinja biex tiżola lir-Russja.
Barbaric Russian missile strikes on the central Freedom Square and residential districts of Kharkiv. Putin is unable to break Ukraine down. He commits more war crimes out of fury, murders innocent civilians. The world can and must do more. INCREASE PRESSURE, ISOLATE RUSSIA FULLY! pic.twitter.com/tN4VHF1A9n
— Dmytro Kuleba (@DmytroKuleba) March 1, 2022
