Wasal Malta l-eks plejer leġġendarju tat-tim nazzjonali Taljan u ta’ Juventus, Mauro German Camoranesi, fejn kien milqugħ mid-Direttur Tekniku tal-istess klabb, Sean Sullivan. Dan hekk kif ftit tal-ħin wara, saret il-preżentazzjoni tiegħu bħala kowċ ġdid ta’ Floriana FC lill-membri tal-istess klabb.
Dan is-sit kien l-uniku wieħed preżenti l-Ajruport Internazzjonali ta’ Malta li ħa l-kummenti esklussivi tiegeħu, b’Camoranesi jgħid li jinsab kuntent ħafna li huwa l-kowċ il-ġdid ta’ Floriana, waqt li f’messaġġ li għadda lil min bħalu jixtieq jagħmel karriera ta’ suċċess fil-futbol, huwa qal li huwa importanti li wieħed jieħu gost jilgħab din il-logħba tant sabiħa, imbagħad is-suċċess jiġi waħdu!
