Mument storiku għall-isport Malti hekk kif Tenishia Thornton ġiet inkurunata champion tad-dinja fil-Kampjonati taż-Żgħażagħ tal-IWF tal-2022 fil-Messiku.
L-unika rappreżentanta tal-MWA f’dan l-avveniment, Thornton ta’ 16-il sena spiċċat fl-ewwel post ġenerali fil-kategorija tal-55kg. Fl-2020, Tenishia kienet spiċċat fit-tieni post ġenerali fl-isnatch u fit-tielet post bħala total bħala lifter ta’ 49kg meta l-istess avveniment sar online minħabba l-pandemija tal-COVID. Sentejn akbar u aktar b’saħħitha, fl-aħħar sena tagħha bħala atleta żagħżugħa, Tenishia żgurat li se tikseb il-midalji tad-deheb tagħha qabel ma tavvanza kategorija ta’ età, u kompliet biex tikseb mhux waħda, iżda tlieta minnhom!
B’kollox f’din il-kategorija kienu qed jipparteċipaw 17-il atleta, minn 13-il pajjiż differenti fosthom l-Eġittu, il-Messiku, l-Awstralja, il-Kanada, il-Kroazja, l-Ekwador, l-Istati Uniti, l-Italja, it-Tuneżija, it-Turkija, l-Indja, u New Zealand.
Thornton bdiet b’tentattiv mitluf ta’ 76 kg fl-isnatch, li mbagħad irnexxielha tagħmel fit-tieni tentattiv tagħha. Il-lifter Eġizzjana irnexxielha tagħmel it-tielet tentattiv tagħha fis-76kg, filwaqt li l-lifter Messikana falliet it-tielet tentattiv tagħha fis-77kg, li fisser li Tenishia kienet diġà fuq quddiem b’tentattiv wieħed tajjeb biss. Minkejja dan, kompliet saħħet il-vantaġġ tagħha bit-tielet tentattiv tat-78 kg.
Hija kompliet vil- clean and jerks tagħha fejn refgħet 96kg b’mod faċli. L-ewwel refgħa tagħha kienet diġà assiguratha d-deheb totali. Madankollu, Thornton kompliet tagħmel it-tieni tentattiv tagħha tat-98kg u t-tielet ta’ 100kg biex saħħet il-vantaġġ tagħha fuq il-kumplament tal-atleti. L-Eġittu spiċċaw it-tieni filwaqt li l-Messiku spiċċaw it-tielet. It-total ta’ 178kg tagħha fisser li qabżet it-tieni post b’total kbir ta’ 7kg. Il-100 kg tagħha kien ukoll rekord nazzjonali ġdid fil-Klassi ta’ piż ta’ 55kg.
Dan huwa wieħed mill-ewwel titli mondjali ta’ Malta, li huwa prodott tax-xogħol bla heda li qed tagħmel l-MWA fi sforz biex tipproduċi dawn it-tip ta’ riżultati internazzjonalment. Tenishia kienet akkumpanjata mill-coach tagħha, Jesmond Caruana, li huwa l-moħħ wara x-xogħol kollu li qed isir fl-MWA.
Dan il-mument storiku għal pajjiżna ma setax ikun possibbli mingħajr l-appoġġ tal-MWA, MOC, u SportMalta.
