Tony Drago ksieb post fis-semi-finali tal-Kampjonat Dinji tas-Seniors wara rebħa
stupenda ta’ 4-3 fuq il-favorit għat-titlu Mark Davis fil-kwarti tal-finali nhar is-Sibt.
It-Tornado kien daħal mal-aħħar tmienja b’rebħa komda ta’ 3-0 fuq Vito Puopolo.
Madankollu, meta ffaċċja l-favorit tat-tournament, il-veteran Malti kellu bżonn juża d-determinazzjoni tiegħu kollha biex jegħleb lil Davis f’partita bl-aħjar minn seba’ frames fil- Crucible, fejn ksieb rebħa ta’ 4-3.
Drago issa se jkun qed jilgħab jew ma’ Jimmy White jew Adrian Ridley fis-semi-finali ta’ nhar il-Ħadd.
