Milan jinsabu fi stadju avvanzat sabiex jiksbu l-firma tal-plejer ta’ nofs il-grawnd ta’ Fenerbache Arda Guler. Dan il-plejer Tork ta’ 18-il sena għall-bidu ġie kkuntattjat mid-diriġenti Milanisti għall-istaġun li ġej iżda dawn it-taħditiet intensifikaw ruħhom bl-ogħla awtoritajiet tal-klabb li huma fiduċjużi li jilħqu xi forma ta’ ftehim.
Guler jilgħab ma’ Fenerbache u minkejja l-eta’ tenera tiegħu, kien regolari ma’ dan it-tim.
Min-naħa tagħhom, it-tim Tork irid offerta tajba ġaladarba i Rossoneri jridu lil dan il-plejer b’saħħa.
