Il-kowċ ta’ Liverpool, Arne Slot, ġie nominat għall-unur tal-aqwa kowċ tal-Premier League f’lista qasira ta’ ħames persuni.
Il-kowċ Olandiż rebaħ il-Premier League fl-ewwel staġun tiegħu fit-tmexxija u jinsab fost ħames kandidati għall-unur prestiġjuż.
Fost l-oħrajn fil-lista hemm ukoll il-kowċ ta’ Nottingham Forest, Nuno Espírito Santo, li kiseb kwalifikazzjoni għall-kompetizzjonijiet Ewropej għat-tim b’żewġ logħbiet fadal.
Eddie Howe ta’ Newcastle, Thomas Frank ta’ Brentford, u Vitor Pereira ta’ Wolves – li wasal f’Diċembru – jagħmlu l-lista sħiħa.
