Arsenal qed jaħdmu fuq ftehim biex jiffirmaw lil Takehiro Tomiyasu mingħand Bologna.
L-internazzjonali Ġappuniż ġie segwit mill-Gunners għas-sajf kollu u Tottenham għamlu wkoll offerta biex jiffirmaw lid-difensur qabel ma kisbu s-servizzi ta’ Cristian Romero mingħand Atalanta.
Arsenal issa qed jaħdmu biex jiffinalizzaw ftehim għaż-żagħżugħ ta’ 22 sena li se jkun qed jara l-kuntratt tiegħu ma’ Bologna jiskadi f’Ġunju 2024.
Tomiyasu jista’ jitlaq lil Bologna, iżda huma jridu mill-inqas €23-25m għas-servizzi tiegħu.
Tottenham kienu għamlu offerta qrib l-€20m aktar kmieni dan is-sajf u West Ham huma wkoll imsemmija bħala destinazzjoni potenzjali għad-difensur versatili.
Il-coach tal-Gunners Mikel Arteta qed ‘jimbotta internament biex dan il-ftehim jingħalaq.’
Tomiyasu ingħaqad ma’ Bologna mingħand VV Sint-Truiden f’kuntratt ta’ € 7m fl-2019.
Huwa għamel id-debutt tiegħu fil-Ġappun fl-2018 u għandu 23 dehra internazzjonali f’ismu.
L-aġent tal-player iltaqa’ ma’ Arsenal f’Londra, it-Tlieta filgħodu.
