Arsenal identifikaw lid-difensur ta’ Barcelona, Sergino Dest bħala mira potenzjali ta’ trasferiment għall-2022.
Minkejja li għamel 57 dehra għall-ġganti Katalani fil-kompetizzjonijiet kollha matul l-aħħar 18-il xahar, il-player ta’ 21 sena sar disponibbli għat-trasferiment.
B’Barcelona miftuħa għall-offerti minħabba l-kwistjonijiet finanzjarji kontinwi tagħhom, l-internazzjonali tal-Istati Uniti m’għandux jonqos milli jkollu clubs ammiraturi qabel it-twieqi tat-trasferimenti li ġejjin.
Il-manager ta’ Arsenal Mikel Arteta huwa ammiratur tal-player u lest li jikkunsidra li jagħmel offerta għalih.
Għalkemm il-Gunners huma moqdija sew b’għażliet fuq in-naħa tal-lemin, jistgħu jkunu lesti li jakkwistaw lil Dest.
Jingħad ukoll li Chelsea u Bayern Munich qed isegwu s-sitwazzjoni bl-offerti potenzjalment qed jitħejjew għall-bidu tas-sena.
