Arsenal għamlu inkjesta dwar id-disponibbiltà tal-attakkant ta’ Real Madrid, Eden Hazard.
Il-player ta’ 31 sena sa issa kellu staġun frustranti ieħor fil-kapitali Spanjola, u l-ispekulazzjoni hija mifruxa dwar tluq possibbli qabel l-istaġun 2022-23.
Ritorn potenzjali ma’ Chelsea issemma’ iktar qabel ma l-Blues ġew ipprojbiti milli jiffirmaw players wara sanzjonijiet fuq is-sid Roman Abramovich, u huwa wkoll maħsub li jinsab fuq ir-radar ta’ Newcastle United.
Issa, huwa mifhum li Arsenal ngħaqdu fit-tellieqa u ssottomettew inkjesta, iżda għad iridu jsegwu l-approċċ inizjali tagħhom.
Hazard bħalissa m’għandu l-ebda pjan li jħalli s-Santiago Bernabeu, iżda l-akkwisti potenzjali ta’ Erling Braut Haaland u Kylian Mbappe jistgħu jwassluh biex jerġa’ jikkunsidra l-futur tiegħu.
Hazard skorja sitt goals u pprovda 10 assists f’65 logħba bil-flokk ta’ Real Madrid u mhux mistenni jsir free agent sas-sajf tal-2024.
