Arsenal se jkunu qed jidħlu f’taqtiegħa ma’ Real Madrid u Barcelona għall-firma tal-midfielder ta’ Napoli, Fabian Ruiz, matul it-tieqa tat-trasferimenti ta’ dan is-sajf.
Il-player ta’ 25 sena reġa’ kien player importanti għall-club Taljan tiegħu matul dan l-istaġun, fejn għamel 30 dehra fil-kompetizzjonijiet kollha, u skorja sitt goals u pprovda erba’ assists fil-proċess.
Ruiz daħal fl-aħħar 18-il xahar tal-kuntratt tiegħu ma’ Napoli, madankollu, u kien hemm għadd ta’ spekulazzjonijiet dwar il-futur tiegħu f’dawn l-aħħar xhur.
Arsenal huma determinati li jiffirmaw lill-player internazzjonali ta’ Spanja matul it-tieqa tat-trasferimenti ta’ dan is-sajf, bil-Gunners jistgħu jassiguraw is-servizzi tiegħu għal minn tal-inqas £25 miljun.
Madankollu, ir-rapport isostni li Real Madrid u Barcelona qed jippjanaw ukoll movimenti għall-midfielder fis-suq li ġej.
Ruiz, li kien ukoll marbut ma’ Manchester United, skorja 21 darba u rreġistra 14-il assist f’158 dehra ma’ Napoli minn mindu ngħaqad magħhom mingħand Real Betis f’Lulju tal-2018.
Arsenal bħalissa jinsabu fir-raba’ post fil-klassifika tal-Premier League, bil-club minn Londra qed jiġġieled biex jassigura ritorn fiċ-Champions League għall-istaġun li ġej.
