Arsenal qed jippreparaw biex jagħmlu t-tieni offerta għall-midfielder ta’ Lazio, Sergej Milinkovic-Savic.
Il-player ta’ 27 sena huwa mifhum li esprima x-xewqa tiegħu li jħalli lill-club tas-Serie A dan is-sajf, wara tmien snin fil-kapitali Taljana.
Milinkovic-Savic, li rreġistra 11-il goal u 12-il assist f’47 logħba għal Lazio l-istaġun li għadda, ġibed l-għajn ta’ numru ta’ clubs Ewropej ewlenin fosthom it-tliet clubs mill-Premier League fl-Ingilterra, Arsenal, Chelsea u Manchester United.
