Arsenal jistgħu jippruvaw jipprevjenu lil Juventus milli jiffirmaw lil Alvaro Morata bi ftehim permanenti mingħand Atletico Madrid.
L-ex player ta’ Chelsea kien qed jissemma’ li jista’ jtemm l-esperjenza tiegħu mal-Bianconeri wara l-wasla ta’ Dusan Vlahovic f’Jannar, iżda huwa mistenni li jibqa’ Turin sa mill-inqas tmiem l-istaġun b’self.
Il-futur ta’ Morata ma’ Atletico mhuwiex ċar bil-ftehim tiegħu fi Spanja li se jiskadi fl-2023, iżda Juventus jistgħu jwasslu għal għażla li jixtru lill-Ispanjol għat-tieni darba minn maċ-champions tal-La Liga dan is-sajf.
Madankollu, huwa mifhum li Morata xeħet ħarstu fuq ċaqliq ma’ Arsenal, li se jkunu fis-suq għal attakkant ġdid qabel l-istaġun 2022-23.
Il-Gunners se jitilfu lil Alexandre Lacazette u Eddie Nketiah bi free tarnsfers fi żmien inqas minn sitt xhur, u b’hekk Folarin Balogun u l-prospett ta’ taħt it-23 sena Mika Biereth huma l-uniċi żewġ għażliet ta’ attakk ta’ Mikel Arteta.
Juventus u Atletico huma rrapportati li kkonkludew għażla ta’ xiri ta’ €35m wara l-wasla tiegħu fl-2020, iżda issa ntqal li Juventus se jipprovaw jinnegozjaw ftehim ta’ €15-il miljun inklużi bonuses.
Morata skorja tmien goals u pprovda sitt assists fi 33 logħba għall-Bianconeri f’dan l-istaġun, u b’hekk tella’ t-total tiegħu għall-club għal 55 goal u 36 assist f’170 logħba wara l-esperjenza qasira tiegħu fl-Italja bejn l-2014 u l-2016.
