Arsenal qed jittamaw li jċedu xejn inqas minn sitt players fit-tieqa tat-trasferimenti ta’ Jannar.
Il-Gunners kien qed ikollhom wirjiet pożittivi mill-ġdid taħt Mikel Arteta fl-aħħar ġimgħat iżda xorta mistennija jkunu attivi fis-suq tat-trasferimenti matul il-perjodu tax-xitwa.
Numru ta’ players se jaraw il-kuntratti tagħhom jiskadu fis-sajf tal-2022, u Arsenal huma ħerqana li jbiegħu diversi players meqjusa bħala free agents.
Alexandre Lacazette u Bernd Leno huma fost il-players li jistgħu iħallu l-club, minkejja li tal-ewwel sab postu lura fl-ewwel 11.
Eddie Nketiah, Sead Kolasinac, Mohamed Elneny u Folarin Balogun jistgħu wkoll ifittxu club ġdid, b’dan tal-aħħar jammetti reċentement li jkun miftuħ għal tluq.
Nketiah, Elneny u Kolasinac għandhom ukoll isiru free agents fi tmiem l-istaġun, filwaqt li l-kuntratt ta’ Leno jiskadi fl-2023.
