Arsenal offrew lil Fiorentina £46m flimkien ma’ Lucas Torreira għall-firma ta’ Dusan Vlahovic.
Torreira ma kienx qed jiġi utilizzat fl-Emirates Stadium taħt Mikel Arteta u tħabat ukoll b’self ma’ Atletico Madrid, iżda dan l-istaġun sar pedament sod għall-Viola.
Arsenal huma mistennija li jissanzjonaw ħruġ permanenti għal Torreira fl-2022, b’offerta mressqa ta’ £12.6m lil Fiorentina fi tmiem l-istaġun.
Madankollu, Torreira jista’ jintuża bħala parti minn ftehim għall-attakkant li hu mitlub Vlahovic, u l-Gunners offrew ukoll £46m fi flus kontanti.
Il-Viola għad iridu jwieġbu għall-offerta ta’ Arsenal, iżda Vlahovic diġà ta x’jifhem li jrid jibqa’ ma’ Fiorentina għall-kumplament tal-istaġun waqt li jisfidaw għall-post fl-Ewropa.
Vlahovic skorja 16-il goal f’20 logħba tas-Serie A għat-team ta’ Vincenzo Italiano dan l-istaġun biex jinsab fil-quċċata tal-klassifika tal-aqwa skorers – tlieta iktar mill-player li jinsab fit-tieni post, Ciro Immobile.
L-internazzjonali Serb diġà huwa kkonfermat li rrifjuta ċ-ċans li jibqa’ ma’ Fiorentina wara l-2023 u qed jiġi marbut ukoll ma’ Tottenham Hotspur, Real Madrid u Manchester City.
