Fil-Premier League Ingliż, Arsenal waqqgħu żewġ punti oħra fid-draw ta’ 1-1 għand Everton biex issa d-distakk mal-leaders Liverpool huwa dak ta’ 11-il punt.
Everton v Arsenal – Arsenal marru għand Everton u setgħu jispiċċaw fi draw ta’ 1-1 hekk kif jidher li ċedew it-taqtiegħa għar-rebħ tat-titlu. Kien Leandro Trossard (34) li fetaħ l-iskor għall-Gunners iżda Iliman Ndiaye (49) kiseb id-draw għat-Toffeemen minn penalty.
C. Palace v Brighton – Crystal Palace għelbu lil Brighton bl-iskor ta’ 2-1, bil-goals jaslu minn Jean-Philippe Mateta (3) u Daniel Munoz (55) filwaqt li Danny Welbeck (31) wieġeb għal Brighton. Il-Palace kellhom lil Edward Nketiah (78) u lil Marc Guehi (90) imkeċċija.
Ipswich v Wolves – Wolves għamlu pass kbir lejn is-salvazzjoni meta barra minn darhom għelbu lil Ipswich bl-iskor ta’ 2-1, b’goals minn Pablo Sarabia (72) u Jorgen Strand Larsen (84) wara li Liam Delap (16) ta l-vantaġġ lil Ipswich.
West Ham v Bournemouth – West Ham laqgħu lil Bournemouth u temmew fi draw ta’ 2-2. Evanilson (38, 79) skorja għal Bournemouth filwaqt li Niclas Fullkrug (61) u Jarrod Bowen (68) wieġbu għal Brighton.
Aston Villa v Nottm F. – Aston Villa żammew it-tamiet tagħhom ħajjin li jikkwalifikaw għall-UEFA Champions League b’rebħa ta’ 2-1 fuq Nottingham Forest bl-iskorers ikunu Morgan Rogers (13) u Donyell Malen (15) filwaqt li Jota Silva (58) skorja għall-Forest.
