Arsenal huma “kunfidenti ħafna” dwar iċ-ċansijiet tagħhom li jegħlbu lil Manchester United għall-firma tad-difensur ċentrali ta’ Ajax, Lisandro Martinez.
Il-Gunners u r-Red Devils huma maħsuba li qegħdin f’tellieqa bejniethom għall-player internazzjonali Arġentin, li huwa determinat li jilgħab fil-Premier League għall-istaġun 2022-23.
Martinez ħadem taħt il-gwida tal-manager ta’ Manchester United, Erik ten Hag, ma’ Ajax u fforma relazzjoni ta’ suċċess mal-Olandiż, u r-Red Devils huwa mifhum li kellhom vantaġġ fit-tellieqa għad-difensur ċentrali fil-jiem li għaddew.
