Arsenal huma lesti li jikkwadriplaw il-pagi ta’ Bukayo Saka sabiex jikkonvinċu lill-attakkant jiffirma ftehim ġdid fl-Emirates Stadium.
Iż-żagħżugħ ta’ 20 sena qed ikollu staġun mill-aqwa sa issa mal-Gunners fit-tentattiv tagħhom li jiksbu post fiċ-Champions League u skorja d-disa’ goal tal-istaġun fil-Premier League fir-rebħa ta’ 1-0 ta’ nhar is-Sibt kontra Aston Villa.
Saka jinsab taħt kuntratt fit-Tramuntana ta’ Londra sas-sajf tal-2024, iżda l-Gunners suppost bdew taħditiet inizjali dwar estensjoni fil-kuntratt għall-internazzjonali Ingliż.
Arsenal lesti li joffru lil Saka kuntratt ta’ £125k fil-ġimgħa biex jibqa’ mal-club ta’ tfulitu fost interess rappurtat minn Liverpool u Manchester City.
Saka bħalissa qed jaqla’ £30k fil-ġimgħa fl-Emirates Stadium, u l-manager Mikel Arteta jinsab ħerqan li jassigura l-futur fit-tul taż-żagħżugħ bi kwalunkwe spiża hekk kif it-taħditiet huma skedati li jsiru fi tmiem l-istaġun.
Saka diġà rebaħ FA Cup minn gradwa mill-akkademja tal-Arsenal u rreġistra 21 goal u 27 assist minn 121 dehra għall-ewwel team tal-Gunners.