Arsenal m’għandhom l-ebda pjan li jerġgħu jilqgħu lill-ex manager tagħhom, Arsene Wenger, lura fil-club f’kariga formali.
L-ex manager leġġendarju ta’ 72 sena ħalla lill-Gunners bħala l-aktar manager ta’ suċċess fl-istorja ta’ Arsenal bi tliet titli tal-Premier League u żewġ FA Cups f’perjodu ta’ 22 sena qabel ma rriżenja fl-2018.
Il-manager attwali ta’ Arsenal, Mikel Arteta, stqarr pubblikament ix-xewqa tiegħu li Arsenal iġibu lil Wenger “eqreb” lejn il-club waqt il-premiere tad-dokumentarju tiegħu s-sena l-oħra, bil-Franċiż bħalissa qed jokkupa l-kariga ta’ Kap tal-Iżvilupp Globali tal-FIFA.
Madankollu, waqt forum riċenti tal-partitarji mal-kap eżekuttiv ta’ Arsenal Vinai Venkatesham, ġie żvelat li l-Gunners m’għandhomx il-ħsieb li jerġgħu jimpjegaw lill-ex manager tagħhom.
Il-minuti tal-laqgħa kienu jgħidu: “Vinai wieġeb li m’hemm xejn ħlief imħabba u ammirazzjoni lejn Arsene mill-club ta’ Arsenal. Huwa dejjem milqugħ hawn, iżda ovvjament bir-rwol il-ġdid tiegħu fil-FIFA jinsab fi Zurich, u jivvjaġġa, f’ħafna mill- ħin.
“M’hemm l-ebda pjani għal rwol formali għalih ma’ Arsenal.”
Wenger rebaħ 708 mill-1224 logħba tiegħu fit-tmexxija ta’ Arsenal u issa qed jissemma’ li jista’ jieħu post Leonardo bħala d-direttur sportiv ta’ Paris Saint-Germain jekk Zinedine Zidane jinħatar bħala coach tal-Pariġini.
