Arsenal se jkollhom iħallsu €70m biex jiffirmaw lill-attakkant ta’ Inter, Lautaro Martinez, matul it-tieqa tat-trasferimenti ta’ dan is-sajf.
L-internazzjonali Arġentin reġa’ kien f’forma mill-aqwa għall-club Taljan tiegħu dan l-istaġun, fejn skorja 16-il goal u rreġistra żewġ assists f’39 dehra fil-kompetizzjonijiet kollha.
Il-futur ta’ Martinez kien suġġett ta’ ħafna spekulazzjonijiet fl-aħħar ġimgħat, madankollu, b’Inter maħsuba li huma miftuħa li jbigħuh dan is-sajf biex jagħmlu spazju għall-attakkant ta’ Juventus Paulo Dybala.
Huwa mifhum li Arsenal għamlu kuntatt maċ-champions Taljani biex jiddiskutu l-fututr tal-player mill-Amerika t’Isfel u qalulhom li se jiswa €70m biex jiffirmawh fis-suq tat-trasferimenti li ġej.
Martinez, li għad fadallu aktar minn erba’ snin fil-kuntratt tiegħu f’San Siro, huwa wkoll maħsub li huwa l-mira ewlenija tat-trasferiment għal Atletico Madrid.
Arsenal se jkunu fis-suq għal ftit attakkanti ġodda dan is-sajf, b’Eddie Nketiah u Alexandre Lacazette it-tnejn jaslu għat-tmiem tal-kuntratti tagħhom.
Martinez skorja 65 goal u rreġistra 22 assist f’171 dehra għal Inter minn meta ngħaqad man-Nerazzurri mingħand Racing Club f’Lulju 2018.