Arsenal u Aston Villa qed isegwu sew il-progress tal-attakkant ta’ Lens, Lois Openda. Dan tal-aħħar għandu 23 sena u qed jispikka ħafna fil-Ligue 1 Franċiża wara li skorja 17-il gowl staġjonali.
Openda kien jilgħab ukoll ma’ Bruges fil-Belġju u Vitesse fl-Olanda u issa qed jaspira li jilgħab fl-Ingilterra f’dak li hu sejjaħlu bħala wieħed mill-aqwa kampjonati tad-dinja.
Min-naħa tagħhom, Arsenal jinsabu favoriti li jiksbu s-servizzi ta’ Openda għax iridu plejer li jista’ jieħu post Gabriel Jesus li m’għadux daqshekk żgħir.
