Arsenal u Chelsea ingħaqdu fit-tellieqa biex jiffirmaw lid-difensur ċentrali ta’ Barcelona, Ronald Araujo, b’taħditiet se jsiru din il-ġimgħa.
Aktar kmieni dan ix-xahar kien irrappurtat li Araujo kien ħerqan li jibqa’ fil-Camp Nou peress li kien wieħed mill-players li spikkaw mill-wasla ta’ Xavi fit-tmexxija tal-club u jinsab abbord il-proġett tal-manager fil-club.
Madankollu, dan ma waqqafx l-ispekulazzjoni u l-interess dwar id-disponibbiltà tal-player ta’ 23 sena, b’Manchester United u Juventus fost il-clubs li qed is-sitwazzjoni tiegħu.
Huwa mifhum li Arsenal u Chelsea qed juru interess ukoll fl-internazzjonali Urugwajan, li għad irid jaqbel ma’ termini ġodda mal-ġganti Spanjoli, bil-kuntratt attwali tiegħu se jiskadi fl-2023.
Barcelona huma maħsuba li ma jridux jitilfu ħlas ta’ trasferiment għal Araujo jekk jibqa’ mal-club iżda mbagħad jonqos milli jiffirma kuntratt ġdid, li jfisser li jista’ jitlaq bi free transfer matul is-sena d-dieħla, li jista’ jġiegħel lill-club Katalan ibiegħu dan is-sajf.
Araujo ngħaqad ma’ Barcelona fl-2018 qabel iddebutta mal-ewwel team tiegħu fl-2019, u kompla biex lagħab 72 darba għall-club.
