Arsenal jinsabu qabel Manchester United fit-tellieqa biex jiffirmaw lill-attakkant ta’ Napoli, Victor Osimhen, matul it-tieqa tat-trasferimenti ta’ dan is-sajf.
L-internazzjonali Niġerjan kien f’forma impressjonanti għall-club Taljan tiegħu matul l-istaġun 2021-22, fejn skorja 17-il goal u rreġistra sitt assists f’29 dehra fil-kompetizzjonijiet kollha.
Arsenal mistennija jkunu fis-suq għal ftit attakkanti ġodda dan is-sajf, hekk kif Pierre-Emerick Aubameyang ħalla l-club f’Jannar, filwaqt li Alexandre Lacazette u Eddie Nketiah se jkunu t-tnejn bla kuntratt matul ix-xahar id-dieħel.
Manchester United ukoll kienu marbuta b’mod qawwi ma’ Osimhen, hekk kif ir-Red Devils se jitilfu lil Edinson Cavani bi free transfer dan is-sajf, filwaqt li l-futur ta’ Marcus Rashford, Anthony Martial u Cristiano Ronaldo mhuwiex wieħed ċar.
Rapport riċenti sostna li r-Red Devils kienu favoriti fit-tellieqa għall-akkwist potenzjali taż-żagħżugħ ta’ 23 sena, li għad fadallu aktar minn tliet snin fil-kuntratt tiegħu ma’ Napoli.
