L-eks captain tal-Black Stars, Asamoah Gyan, irreaġixxa għall-offerta ta’ $200 miljun irrappurtata minn club tal-Arabja Sawdija biex jattira lill-midfielder ta’ Arsenal, Thomas Partey.
Gyan ittweetja emoji b’żipp tal-ħalq b’reazzjoni għal tweet li staqsa jekk Partey, meta wieħed iqis l-età tiegħu, għandux jaċċetta l-offerta jew jirrifjuta l-offerta u jimmira li jibqa’ fl-Ewropa.
Matul il-karriera tiegħu, Gyan għamel ċaqlieqa sorpriża minn Sunderland għall- Emirati Għarab Magħquda wara biss staġun fl-Ingilterra.
Waqt li tkellem mal-media Ingliża, huwa spjega li l-club tal-Emirati, Al Ain, għamillu offerta li ‘ma setax jirreżisti’.
“Kont qed nieħu gost bil-football tiegħi, iżda Al Ain offrewli salarji li mill-ewwel għamluni l-aktar player tal-football imħallas fl-Afrika. Ma stajtx nirreżistiha,” huwa qal.
Skond l-offerta Sawdita għal Partey, huwa kien jirċievi salarju annwali ta’ $100 miljun, mingħajr taxxa fi ftehim ta’ sentejn.
“L-istilla ta’ Arsenal, Thomas Partey, ġie offrut $200 miljun f’salarji minn club fl-Arabja Sawdija. Partey se jaqla’ salarju annwali mingħajr taxxa ta’ $100 miljun jekk jiffirma l-ftehim ta’ sentejn. Il-clubs Sawdi ħerqana fuq Partey huma Al Ahli, Al Nassr u Al Khaleej,” irrapporta l-eks kelliem tal-Ghana Football Association, Saanie Daara, fi tweet.
Intant, Partey, ta’ 30 sena, ġibed interess mill-club Taljan ta’ Juventus, li offrewlu kuntratt ta’ tliet snin.
Partey, li ngħaqad ma’ Arsenal fis-sajf tal-2020, fadallu sentejn oħra mill-kuntratt attwali tiegħu fl-Emirates Stadium.
