Il-winger Franċiż Moussa Diaby ġie akkwistat minn Aston Villa mill-Premier League Ingliż. Diaby, li kiber fl-akkademja ta’ Paris St Germain, kellu wirjiet tajbin mal-eks klabb tiegħu Bayer Leverkusen u kien determinanti f’ħafna mill-okkażjonijiet.
Diaby kien qed jiġi segwit minn Al Nassr fl-Arabja Sawdija iżda fl-aħħar mill-aħħar hu għażel li jmur ma’ The Villains.
Diaby għandu 24 sena u lagħab għaxar logħbiet mat-tim nazzjonali Franċiż.
