Wieħed mill-plejers li ddiżappunta ferm matul l-istaġun li għadu kemm għadda bla dubju hu Charles de Ketelaere. Il-plejer li wasal f’Milan mingħand Club Brugge għas-somma ta’ €35 miljun ftit brilla mar-Rossoneri u dawn tal-aħħar qed jaraw il-possibbilta’ li jbiegħuh.
Atalanta jidhru interessati fil-plejer ta’ 22 sena li hu ta’ nazzjonalita’ Belġjana u li lagħab 32 darba ma’ Milan iżda qatt ma rnexxielu jsib ix-xibka.
