Iċ-champion Olimpiku Taljan, Gianmarco Tamberi, rebaħ il-midalja tad-deheb tal-high jump fil-kampjonati dinjija tal-atletika li qed isiru fl-Ungerija.
Huwa għeleb l-isfida taż-żagħżugħ Amerikan, JuVaughn Harrison.
Tamberi, li famużament qasam it-titlu Olimpiku mat-tliet darbiet iċ-champion tad-dinja Mutaz Barshim tal-Qatar, qabeż 2.36 metri. Huwa falla f’tentattiv wieħed fis-2.40 metri iżda r-rebħa xorta waħda kienet assigurata.
