Atletika: Il-Belġjana Thiam tirbaħ il-heptathlon bi 80 punt

Il-Belġjana Nafissatou Thiam rebħet il-heptathlon li baqgħet sejra sal-aħħar, u dan kien dovut għall-isforz ispirat mir-rival Olandiża, Anouk Vetter. 

Thiam daħlet fl-aħħar ġurnata b’vantaġġ ta’ 61 punt fuq Vetter, li hija estendiet fil-long jump ta’ 6.59m (għal 6.52m ta’ Vetter), iżda l-Olandiża ħadet il- vantaġġ fil-javelin b’tefgħa ta’ 58.29m għal 53.01m ta’ Thiam.

Iżda kienet Thiam li reb­ħet l-aħħar avveniment, il-200m b’żewġ sekondi biex spiċċat b’6.947 punti b’Vetter tieħu l-fidda b’6.867, differenza ta’ 80 punt, u Anna Hall tal-Istati Uniti ħadet il-bronż b’6,755.

HIGH JUMP IRĠIEL

Għal darb’oħra Mutaz Essa Barshim tal-Qatar wera l-kapaċità tiegħu biex jimmarka l-aqwa prestazzjonijiet tiegħu meta l-aktar importanti, huwa rreġistra sen­­siela perfetta sa 2.37m biex jagħmel pressjoni fuq il-kompetituri l-oħra. 

Kien livell li ħaddieħor ma setax jaqbel, b’San­ghyeok Woo tal-Korea t’Isfel jieħu l-fidda b’rekord nazzjonali ta’ 2.35m u l-Ukren Andriy Protsenko – li ħarab minn pajjiżu f’Marzu mal-familja tiegħu, jitħarreġ fi Spanja u l-Portugall minn dakinhar – rebaħ il-bronż b’2.33m.

TRIPLE JUMP NISA

F’dawn il-kampjonati ma kienx hemm favorit akbar minn Yulimar Rojas, iżda jekk iċ-champion Olimpika li għandha r-rekords tad- dinja ħasset il-pressjoni li tiddefendi t-titlu dinji tagħ­ha f’Eugene, żgur li ma wriet­hiex.

Rojas niżlet fit-trakka għat-tieni tentattiv tagħha u qabżet lejn id-deheb bi sforz ta’ 15.47m, it-tieni l-itwal fl-istorja tal-kampjonati.

Shanieka Ricketts tal-Ġamajka ħadet il-fidda b’qabża 14.89m filwaqt li Tori Franklin tal-Istati Uniti kisbet il-bronż b’14.72m.

1,500m NISA

Kien hemm prestazzjoni ugwalment indaqs fl-1,500m tan-nisa, fejn il-Kenjana Faith Kipyegon ikkonsolidat postha bħala l-akbar atleta tal-1,500m ta’ kull żmien – reb­ħet ir-raba’ titlu globali tagħha tal-1,500m u stabbi­liet livell għoli għall-ġene­razzjonijiet futuri.

Fid-dritta ta’ wara Kipyegon ma setgħetx tistenna aktar. Hija marret fil-vantaġġ u laqtet il-linja tat-tmiem fi 3:52.96 minuti qabel Gudaf Tsegay tal-Etijopja (3:54.52) u l-Britannika Laura Muir (3:55.28). 

3,000 STEEPLECHASE IRĠIEL

Soufiane El Bakkali tal- Marokk żamm is-suprema­zija tiegħu fit-3000m steeplechase tal-irġiel, li l-aħjar jista’ jinġabar bħala steeplechase ta’ 400m. 

Fil-qanpiena kien għad hemm 11-il raġel fil-konfront fil-pakkett ewlieni, biċ-champion tad-dinja renjanti, Conseslus Kipruto tal-Kenja, isegwi lil Yemane Haileselassie tal-Eritrea u lil Getnet Wale tal-Etijopja.

Id-dritta, El Bakkali llidja fin-naħa ta’ barra tal-pak­kett, biċ-champion Olim­piku jiknes lejn il-vantaġġ madwar id-dawra u issa rebaħ l-ewwel titlu mondjali.

Huwa qabeż il-linja fi 8:25.13 minuti qabel Lamecha Girma tal-Etjopja (8:26.01) u Kipruto (8:27.92).