L-atleta Kenjana, Faith Kipyegon, rebħet il-midalja tad-deheb tal-1,500 metri meta rreġistrat ħin ta’ 3 minuti u 54.87 sekondi.
Kipyegon, iċ-champion Olimpika darbtejn, ilu sentejn ma tiġi megħluba.
Fis-sitt kampjonati tad-dinja tal-atletika, hija rebħet tlieta deheb, tnejn fidda u l-ħames post fid-debutt tagħha fl-2013.
Sa mill-bidu tat-tellieqa, din l-atleta ta’ 29 sena marret fuq quddiem għalkemm żammt pass ikkontrollat.
Fil-veritá ma kellha l-ebda sfida u fl-aħħar dawra hija żiedet il-pass biex il-vantaġġ kompla jikber.
L-Etjopjana Diribe Welteji ta’ 21 sena rebħet il-fidda f’3:55.69, b’Sifan Hassan tal-Olanda, tirbaħ il-bronż f’ħin ta’ 3:56.00.
