Wieħed mill-erba’ bankijiet li jfakkru l-memorja ta’ mijiet ta’ erojċi li tilfu ħajjithom fil-Falklands War — kunflitt bejn l-Ingilterra u l-Arġentina li seħħ fl-1982 — ġarrab ħsarat ikkawżati minn ħruq, propju f’jum l-40 anniversarju ta’ din il-gwerra. Dan kien irrappurtat ilbieraħ filgħaxija mill-Metro.co.uk.
Il-każ seħħ wara li grupp ta’ nies iddeċidew li jagħmlu barbikju fuq wieħed minn dawn l-erba’ bankijiet li jinsabu fil-War Memorial Village f’Derby, l-Ingilterra.
Ir-ritratti juru l-partijiet ta’ dan il-bank li sofrew il-ħruq flimkien ma’ munzell irmied taħt l-istess bank.
Għadd ta’ residenti esprimew ir-rabja tagħhom fuq il-midja soċjali lejn dan l-att vandalu u għamlu appell sabiex jingħataw il-filmat tas-CCTV li juri dan l-att kriminali, kif ukoll talbu sabiex jekk hemm xi individwu li kien fuq il-post fil-ħin li seħħ dan “l-att vandalu” u għandu xi informazzjoni, javviċinahom.
