Id-direttur sportiv ta’ Monaco, Paul Mitchell qal lil Manchester United u Chelsea li se jkollhom iħallsu somma sostanzjali ta’ flus biex jiffirmaw lill-midfielder Aurelien Tchouameni.
Il-player ta’ 22 sena ilu f’forma impressjonanti f’livell ta’ club f’dan l-istaġun, skorja darbtejn f’26 apparenza fil-kompetizzjonijiet kollha, waqt li qed jirriżulta bħala player importanti għal Franza.
Kemm Manchester United u Chelsea jibqgħu marbuta bil-qawwa mal-midfielder, li għad fadallu sentejn u nofs fil-kuntratt tiegħu mal-club mil- Ligue 1.
Mitchell iddikjara li l-Franċiż “huwa għali daqs il-Grand Casino” fi twissija lill-clubs interessati.
“Huwa midfielder komplet, veloċi ħafna u fiżikament b’saħħtu, u jfakkarni ħafna fi Steven Gerrard,” qal Mitchell. “Huwa diġà player ta’ livell għoli minkejja li għad għandu biss 22 sena, imma jekk irridu nkunu l-aqwa club, allura m’għandniex ibigħuh.
“Aħna club ambizzjuż. Madankollu, aħna ser nivvalutaw is-sitwazzjoni fl-aħħar tal-istaġun. Il-player jinsab taħt kuntratt sal-2024 u l-valur tat-trasferiment tiegħu huwa dak ta’ player mill-aqwa.
Tchouameni skorja ħames goals u pprovda erba’ assists f’71 apparenza għal Monaco wara li ngħaqad mal-Monegaski mingħand Bordeaux f’Jannar 2020.