Il-plejer ta’ nofs il-grawnd ta’ Atletico Madrid, Axel Witsel, kien qed jitkellem ma’ ġurnal Spanjol dwar l-aħħar fenomenu ta’ diversi plejers li marru fl-Arabja Sawdija fosthom Cristiano Ronaldo, Karim Benzema, Riyad Mahrez u Sadio Mane.
Il-plejer Belġjan qal li dawn il-plejers marru hemmhekk biss għall-flus u mhux għax hemm xi proġett għall-futur. Wara kollox, hu ma tax tort lil dawn il-plejers għax semma’ eżempju bih stess li ta’ 27 sena mar jilgħab fiċ-Ċina.
Finalment Witsel bassar li l-futbol fl-Arabja Sawdija se jkompli jikber għalkemm dawk li jbatu se jkunu l-plejers żgħażagħ stess li mhux se jkun hemm post għalihom.
