L-Assoċjazzjoni Maltija tal-Lukandi u Restoranti (MHRA) iddeskriviet il-baġit bħala wieħed li jgħin lill-industrija tat-turiżmu tgħix.
Hija laqgħet l-estensjoni tal-wage supplement u saħqet li din hija miżura vitali għall-membri tagħha kif għamlet fuq it-titjib fil-prodott turistiku fosthom madwar il-kosta, fit-toroq u l-immaniġġjar tal-iskart.
L-MHRA innutat ukoll li ma ddaħħlet ebda taxxa ġdida u sejjħet il-baġit bħal wieħed ambizzjuż u fid-direzzjoni t-tajba.
Hija laqgħet ukoll l-miżuri soċjali li tħabbru fil-baġit u nsistiet li temmen li l-industrija turistika se terġa’ tkun pilastru fl-ekonomija meta tgħaddi l-pandemija.
