Naxxar L. ….0
Balzan ………3
Minn Cristian Muscat
F’konfront bejn it-timijiet li kienu fl-aħħar żewġ postijiet, Balzan għelbu lil Naxxar Lions bl-iskor ta’ 3-0 biex dawn tal-aħħar baqgħu mingħajr l-ebda punt.
Dan il-konfront kien ukoll id-debutt tal-coach Andrew Cohen ma’ Balzan fil-kampjonat.
Kienet rebħa meritata għal Balzan hekk kif min-naħa l-oħra dehret evidenti in-nuqqas ta’ dinamiċitá u koeżjoni fit-team ta’ Naxxar.
B’din ir-rebħa, issa l-Balzanin telgħu fid-disa’ post tal-klassifika liema pożizzjoni tittamahom li jistgħu jikkwalifikaw mat-Top 6.
Min-naħa l-oħra, jidher li d-destin tal-Lions jinsab miktub fuq il-ħajt li se jitilfu posthom mal-kbar.
Kienu Naxxar li ħolqu l- ewwel periklu fit-18-il minuta meta Edward Orlando Angulo Bolanos kellu x-xutt tiegħu minn pożizzjoni ideali jintemm ftit barra.
Iżda kienu Balzan li fetħu l-iskor żewġ minuti biss wara meta minn azzjoni ta’ corner ALEXANDER AYO AKPAN xeħet fix-xibka permezz ta’ daqqa ta’ ras b’lura.
Huma komplew jiddettaw il-logħob u fil-25 minuta Isaac Westendorf ġie wiċċ imb’wiċċ mal-goalkeeper, Matthias Debono, iżda ra lil dan tal-aħħar isalva parzjalment, bid-difiża Naxxarija tikklerja l-ballun f’corner.
Kull ma jmur kompla d- dominju assolut ta’ Balzan u fil-31 minuta, Jan Busuttil, kellu x-xutt fil-baxx salvat tajjeb minn mal-art minn Debono.
Fil-ftuħ tat-tieni taqsima Balzan komplew fejn ħallew qabel il-mistrieħ u, fit-52 minuta, Isaac Westendorf avvanza tajjeb u żmarkat kważi minn tarf il-kaxxa tefa’ għoli, b’Naxxar jeħilsuha ħafif.
Huma komplew jiddominaw għal kollox il-partita u, fit-73 minuta, irduppjaw l-iskor meta minn azzjoni ta’ cross, Debono ippanċja l-ballun li ntemm għand JAN BUSUTTIL li mill-viċin tefa’ ġewwa.
U ma kienet l-ebda sorpriża li Balzan żiedu ieħor, din id-darba minn LUKA LUKOVIC minn taħt il-lasti.
NAXXAR L.: 1-Matthias Debono, 4-Bacary Sane, 8-Neil Pace Cocks (11-Tara Ndao 76), 9-Edward Orlando Bolanos (19-Jean Paul Farrugia 46), 10-Edson Farias Cerqueira, 15-Ryan Gilmour Cassar (3-Nikolai Micallef 65), 18-Hugo Dos Santos Coelho (31-Leandro Zamorano 83), 20-Laton, 23-Maicon De Souza Da Silva, 25-Fernando Barbosa Pereira, 44-Ito Yasukaze (7-Takuma Yamaguchi 46) – Coach: George Vella
BALZAN: 99-Danilo Golovic, 5-Samir Arab, 7-Triston Caruana, 8-Nicholas Pulis, 9-Isaac Westendorf (44-Marko Bacanin 89), 10-Jan Busuttil (22-Jake Grech 93), 14-Dimeji Awosanya, 21-Luka Lukovic, 23-Victor Blasco Llorens (11-Benjamin Hili 89), 27-Alexander Ayo Akpan (4-Gianluca Cacciatore 93), 42-Rafael da Silva Floro – Coach: Andrew Cohen
REFEREE: Slobodan Petrovic
ASS. REFEREES: Jurgen Spiteri, Thomas Debono
RABA’ UFF: Matthew Degabriele
SKORERS: A. A. Akpan 20, J. Busuttil 73, L. Lukovic 90 (B)
AMMONITI: N. Pace Cocks (NL)
