Balzan……………..3
Floriana……………1
Balzan komplew jikkonvinċu u għelbu lil Floriana bl-iskor ta’ 3-1, biex komplew jikkonfermaw staġun ferm diżappunatnti għall-Greens. Huma kienu diġá serrħu rashom mit-tliet punti sa tmiem l-ewwel taqsima, hekk kif diġá kienu tliet goals minn fuq.
Balzan għamlu l-intenzjonijiet tagħom ċari mal-ftuħ tal-partita u fetħu l-iskor wara biss 25 sekonda meta ALEKSA ANDREJIC ittanta xortih permezz ta’ xutt mid-distanza li ħasad għal kollox lill-goalkeeper żagħżugħ ta’ Floriana, Duncan Formosa. Huma komplew jippressaw u fit-23 minuta rduppjaw l-iskor meta BOJAN KALJEVIC bir-ras qabbeż il-ballun minn fuq Formosa.
Kulma jmur kompla d-dominju assolut tat-team immexxi mill-coach Oliver Spiteri u fid-39 minuta issiġilla r-rebħa permezz tat-tielet goal meta Kaljevic għadda tajjeb lejn ANGEL TORRES li minn pożizzjoni ideali tefa’ ġewwa.
Floriana naqqsu l-marġni tal-iskor fit-58 minuta meta s-sostitut LORENZO TRILLO rċieva tajjeb mingħand Kemar Reid u wiċċ imb’wiċċ mal-goalkeeper ta’ Balzan, Jonathan Debono, tefa’ l-ballun fix-xibka.
Fis-86 minuta, Floriana qalgħu daqqa ta’ ħarta hekk kif spiċċaw jilagħbu b’10 players meta tkeċċa għalihom permezz ta’ karta ħamra diretta, il-player Emiliano Callegari, wara foul perikoluż fuq Alex Satariano.
Fil-kumplament tal-partita, Balzan, komplew jamministraw il-vantaġġ doppju bl-aqwa mod possibli u qatt ma taw ċans lill-Greens jidħlu lura fil-partita.
Balzan: 23-Jonathan Debono, 2-Ivan Bozovic, 5-Samir Arab, 6-Marcus Grima (18-Delvin Chanel Ndinga 62), 8-Paul Fenech, 10-Angel Yesid Torres Quinones (11-Benjamin Hili 90), 19-Nikola Zerjal, 24-Nikola Braunovic, 33-Matheus Norgureira Albuguerque de Sousa (7-Bogdan Mladenovic 73), 77-Aleksa Andrejic, 86-Bojan Kaljevic (21-Alex Satariano 62) Coach: Oliver Spiteri
Floriana: 1-Duncan Formosa, 2-Adam Magri Overend, 4-Oualid El Hasni, 9-Kemar Reid, 10-Jose Ulises Arias, 20-Matias Nicolas Garcia, 24-Lorenzo De Grazia (17-Owen Spiteri 46), 28-Emiliano Callegari, 30-Jan Busuttil, 40-Sindre Osestad (7-Mattia Veselji 46), 77-Aleandro Garzia (25-Lorenzo Trillo 55) Coach: Gianluca Atzori
Referee: Philip Farrugia
Ass. Referees: Alan camilleri, Paul Apap
Raba’ Uffiċjal: Daniel Casha
Skorers: A. Andrejic 1, B. Kaljevic 23, A. Torres 39 (B), L. Trillo 58 (F)
Tkeċċa: E. Callegari 86 (F)
Ammoniti: P. Fenech, A. Torres (B), J. U. Arias, M. Veslji (F)
Player tal-Logħba: Aleksa Andrejic (B)
