Balzan……………2
Birkirkara……….1
Balzan għelbu lil Birkirkara bl-iskor ta’ 2-1 biex komplew iżommu t-tamiet tagħhom li jiksbu post fl-Ewropa ħajjin hekk kif temmew fil-ħames post, b’punti ndaqs daqs Hibernians u Mosta jiġifieri 46 punt.
Huma jkunu qed jittamaw li Mosta ma jirbħux l-IZIBET FA Trophy, biex imbagħad jilagħbu decider kontra Hibernians għal min jikseb post fl-Ewropa.
Kienu Birkirkara li ħarġu fuq l-offensiva u wara biss ħames minuti, Enzo Daniel Cabrera, minn taħt il-lasta tefa’ għoli.
Balzan wieġbu żewġ minuti biss wara meta Matheus De Sousa kellu x-xutt tieghu jgħaddi ftit għoli.
Huma komplew fuq l-offensiva u fil-11-il minuta rebħu penalty meta l-goalkeeper Taljan tal-Istripes, Giacomo Nava, waqqa’ lill-istess Matheus de Sousa fil-kaxxa. Mill-11-il metru nkariga ruħu ALEKSA ANDREJIC li ma żbaljax.
Kulma jmur kompla d-dominju ta’ Balzan u man-nofsiegħa logħob kienu sfortunati meta cross-shot ta’ Alex Satariano stampa mal-wieqfa.
Madankollu, kontra x-xejra tal-logħob, fl-34 minuta, Birkirkara ġabu l-iskor indaqs meta wara li rċieva minn azzjoni ta’ corner mogħti minn Matteo Fedele, ENZO DANIEL CABRERA għola tajjeb u permezz ta’ daqqa ta’ ras mill-viċin tefa’ ġewwa.
Sitt minuti wara, Alex Satariano ittanta xortih permezz ta’ xutt minn barra l-kaxxa li iżda ntemm barra.
Fil-ftuħ tat-tieni taqsima, Balzan ħarġu ferm aggressivi u ta’ dan ġew ippremjati meta fis-47 minuta skorjaw il-goal tar-rebħa meta MATHEUS DE SOUSA wiċċ imb’wiċċ ma’ Nava tefa’ ġewwa.
Fis-70 minuta, Cabrera għal Birkirkara kellu d-daqqa ta’ ras mill-viċin salvata minn Rudy Briffa.
Balzan komplew jamministraw il-vantaġġ minimu li kellhom sa tmiem il-partita.
Balzan: 1-Rudy Briffa, 2-Ivan Bozovic, 5-Samir Arab, 8-Paul Fenech, 10-Angel Torres, 18-Delvin Chanel Ndinga, 21-Alex Satariano, 24-Nikola Braunovic, 27-Momcilo Raso, 33-Matheus De Sousa (6-Marcus Grima 79), 77-Aleksa Andrejic (86-Bojan Kaljevic 79) Coach: Oliver Spiteri
Birkirkara: 1-Giacomo Nava (19-Amara Sylla 59), 5-Enrico Pepe, 8-Yannick Yankam, 10-Paul Mbong, 11-Kurt Zammit, 20-Matteo Fedele (7-Alex Da Paixao Alves 63), 22-Cain Attard, 30-Enzo Daniel Cabrera, 42-Simon Zibo, 77-Denis Custodio Ribeiro (99-Andrei Ciolacu 63), 92-Kevin Tulimieri (2-Osvaldo Iorio 60) Coach: Giovanni Tedesco
Referee: Glen Tonna
Ass. Referees: Mitchell Scerri, Edward Spiteri
Raba’ Uffiċjal: Fyodor Zammit
Skorers: A. Andrejic pen. 11, M. De Sousa 47 (BLZ), E. D. Cabrera 34 (BKR),
Ammoniti: G. Nava, C. Attard, E. Pepe (BKR), I. Bozovic, D. C. Ndinga, D. C. Ribeiro, A. Torres (BLZ)
Player tal-Logħba: Enzo Daniel Cabrera (BKR)
